كرهت الساعة و منها زهقت .. ماعدتش طايقها بجد اضايقت
متغاظة أوى منها عشان بلاقيها ... كل ما تيجى تقابلنى هيّه تجـــرى
آعد معايا و عينيك عليـــــها ... و فجأة الاقيك بتسيبينى و تجرى
من غير ما لسه قلت حاجة و لا حتى نطقت
كل شويـــــة تبص فيــها ... و تقوليلى الوقــت اتــأخّر
عايز اكسرها و للا ارميها ... بدعى تبوظ و يارب تأخّر
أو ياريتها لورا ترجع .. علشان الحق منِّك اشبع
بنبقى لسه يادوب آعدين و فجـــأة الاقى الوقــت اتبــخّر
و كــأن فيه غــــولة بـــــتاكل فى الوقـــــت
كرهت الساعة و منها زهقت .. ماعدتش طايقها بجد اضايقت
من كتر ما كرهتها .. بقيت احس انها ..
طــوق حواليــن رقبتى .. سور عالى ما بينى و ما بينك حبيبتى
و بقيــــــــت اشـــــــــوف عقـــاربها سيــــوف و بيحــــــــاربونى
بيعذبونى بيضربونى .. زى مايكونو متفقين عليا و حالفين يربّونى
من كتر ما كرهتها ..
بقــــــــــى نفســـــــــــى انـتـقـــــــــم منــــــــها و اعذبـــــها
و امسك بغل فى ايدى عقاربها .. اكتفها و احبسها و اضربها
و اخنقـــــــها زى انــــــا مــا اتـخـنـقـــــت
كرهت الساعة و منها زهقت .. ماعدتش طايقها بجد اضايقت
مش حـ البسها خلاص تانى و ايّاكــ .. الاقيك لابساها
عايزك لمــا تيجى ابقى لوحدى ويــّايك .. مش معــــــاها
يا امّا هاولّع فيها و افجرها .. بعد ما ارميها و اكسرها
مش هاقـــــــدر اطيقــــــها أد مــــــا طِقت
الإثنين سبتمبر 01, 2008 8:09 pm
