شوفتو الفضيحة الدولية
بعثة عريضة أولومبية
راجعة بمادليا برونزية
وكسة قوية وشغل جنان
****
بعد أما ذلوا إللي جابونا
وشحتونا ودينونا
راحوا الحبايب فضحونا
في كل لعبة وكل ميدان
****
في الطيرة ولّا في كورة اليد
خبيتنا خيبة ماخبهاش حد
وفي المصارعة أملنا إتهد
وفي الملاكمة خسرنا كمان
****
أما وعن رفع الأثقال
على كل مصري أمر محال
شال الهموم على كتفه جبال
وإزاي يا ناس هيشيل أوزان
****
بشرة لكل المصريين
أبطلنا رجعولنا من الصين
محققين حلم الملايين
بصفقة من فوانيس رمضان
الأربعاء سبتمبر 10, 2008 7:06 pm
